بحث هذه المدونة الإلكترونية

الثلاثاء، 18 يناير 2011

Popular! popcprn

قبل فتره وصلوني عينات من بوبيلر بوب كورن .... ب 3 نكهات ... الككاو ... الكراميل و جور الهند

شخصيا جربت نوعين ... الككاو عجبني جدا بما اني من عشاق الككاو ... و الكرامل هم حلو و عجب ولدي ...

الي عجبني اكثر سعر المنتج بجمعيتنا 150 فلس بسسسسسسسسسسسسسس ... خوش سعر

و اتوقع تلقون النفيش بأغلب الجمعيات دامه موجود بجمعيتنا الي صعب نلقى فيها شي سنع
الصراحه الطعم حلو ... و فريش ... ما تحسون ان حبة البوب كورن صايره لينه كثر ماهي عتيجه مثل انواع ثانيه من شركات ثانيه ...
مادري انا حبيته جدا ... و بصراحه ما ذقت مكهة جوز الهند لاني مو من عشاق الكوكو نت ابد ....
شكرا للسيد سعد .... اتوقع اسمه سعد اذا ماني غلطانه على التعامل الراقي ... و فعلا منتج جيد و عساكم عل قوه

حلويات و مناسبات



هل حلو سويته للبر ... كنا بس 4 اشخاص ... و قلت بسوي شي خفيف و سريع ... تارت توت ... تارت تفاح و تارت نوتيلا

 هل كب كيك بنتي كانت بتزور رفيجتها و سويتلها اياه


هذا جيز كيك بايت


بامكن كب كيك الكلللللل حبهاااااااااااااااااااااااااااا


كيكة جزر


جيز كيك في المخيم



كب كيك جزر



هذا الكب كيك لولدي يوم بيزور رفيجه

و هذا لربع زوجي بالدوام

THE OLD DAYS






أخ يالعمر ... شلون ركضت و رحت بعييد ... من فتره زاروني رفيجات الجامعه ... ويح قلبي ... يوم اقول الجامعه ما اتصور ان هل كلام من 15 سنه  .... واي يا شماتت ابله ظاظا فيا ... كبرت كبرت ..

المهم ... استانست لان من زمااااااااااااااااااااااااان ما تشاوفنا ... و سويت لهم جم شغله .. و الحلو سويت كب كيك ...
طبعا عجبهم جدا جدا ...و سولفنا سوالف جميله جدا جدا .... ريم و غدير احبكم احبكم احبكم


My sushi :)


 ذقت السوشي مره وحده من ماكي ... و بالضبط الي ذقته كان عيسى ماكي و يارا ماكي ...

بصراحه من بعد ما كنت اقول للناس اشتاكلون انتوا ؟؟ فجأه صرت من عشاق السوشي ....

من ثاني يوم انا ادور بالنت عن طرق عمل السوشي ...
و بعدين اكتشفت ان كل المتطلبات عندي ياها و الناقص شريته من الجمعيه ...
و طبقت ... النتيجه مقاربه جدا جدا جدا ....حتى الصلصه نفسها ... اخوي صار من عشاق الماكي الي اسويه ... و يطلبه دوم مني :)
وناسه وايد استانست ... و على فكره ما لقيت السي ويد الابيض فسويت مثل كريب خفيييييييف بالسمسم و براءة الاختراع تعود لي لوووول

الأربعاء، 29 ديسمبر 2010

محلل جريدة السياسه يقهرررررررررررررررررررر

اليوم كان في لقاء مباشر على قناة الوطن بلاس ... يتكلمون عن قرار الاتحاد بمنع فهد العنزي من اللعب بكأس اسيا حتى بعد حصوله على البطاقه المدنيه الكويتيه ...
و كل واحد من الحضور تكلم بشكل حلو ... لين يه دور الاخ و قال انا احط اللوم على فهد ... ليش اخوه يطلع يتكلم للجريده و جدام الكل ...جان نطر الامور تحل شوي شوي ... و هذي سياسة ديرتنا مو مره وحده ني و نقول و الله هاك ....


انا بسأله سؤال ... لوما اخو فهد طلع و تكلم .... كان فهد رجع  و ما عنده بيت .... لوما اخو فهد تكلم ... ما شفت الشعب الكويتي كله يقول جنسوا فهد .... وايد مثلي بعاد عن الرياضه و اخبارها ... بس عرفت قصة فهد بكأس الخليج و تعاطفت معاه جدا ...
خصوصا بعد ما شفت بيته المتواضع ... فهد فرح قلب الكثييييير بأي حق تي و تلومه ليش انه اخوه تكلم ؟؟؟؟؟؟؟

ليش فهد وصي على فرد فرد من اسرته ؟؟؟ و بعدين زين سوا اخوه انه تكلم ... متى ما عشت معاناة فهد و اسرته ذاك الوقت حط اللوم عليه ......


ملاحظه : اتحاد اسيا ... نعم عسى ماشر ؟؟؟ تبون لواعيب ما يعرفون النشيط الوطني مثلا ؟؟

ممكن سؤال ؟؟ متى بتمشون ورا الكويت ؟؟


الوضع حاليا حط ببالي هل سؤال ؟؟؟ ليش تحبون الكويت ؟؟؟ و صج تحبونها ؟؟؟
الي صاير حاليا ليش ؟؟؟

يلي قاعد تركضون ورا هذا و ذاك و ندوه اهني و هناك و هذا ينطق و هذاك بالمستشفى
و مادري منو يتكلم و مادري منو يجعمه و هذا يحلف و هذا يسب ... و كل واحد وراه جم واحد ؟؟

انتوا شتشوفون ؟؟؟؟؟

 تشوفون الكويت ؟؟؟ من وراه قاعد تمشون ؟؟؟؟ تمشون ورا قبيلتكم ؟؟؟ و لا مذهبكم ؟؟؟ و لا ربعكم ؟؟؟
ولا ورا مصالحكم المستقبليه ؟؟؟؟؟؟  انزين سؤال ... متى بتمشون ورا الكويت ؟؟؟

الاثنين، 27 ديسمبر 2010

نكهات الكب كيك




قبل جم يوم ...جربت اسوي كب كيك بنكهات مختلفه و بطريقه سريعه .... كان عندي خليط الكيك الابيض الجاهز ... قسمته و سويت اكثر من نكهه .... رد فيلفت ... جزر .... اوريو ... و قرع ..
النتيجه حلوه جدا ... و سريعه و لذيذه